السلام عليكم و رحمه الله و بركاته


موضوعي أن شاء الله هيكون فيه بعض المعلومات عن الأمتحانات الموجوده في الأنتر فيو في بعض الشركات ...

اللي بيكون الأمتحان فيها أنجليش و أي كيو ...


أنا عملت الموضوع ده لأني شوفت مواضيع ناس عملاها عن كورسات .. علشان تعدوا من الانتر فيو ده .. و أسعارهم بتكون 300 أو أكثر .. بصراحه أنا شايف أن ده حرام ... لأن اللي بيدور على شغل .. بيكون محتاج ال 300 جنيه دول ..


فبدل ما نضيع فلوسنا و نضيع وقتنا على الفاضي ... أحنا ممكن نعدي أن شاء الله أي أنترفيو في أي شركه ...

أولا :: لازم نعرف أن اللي ربنا كتبه لكل واحد هو أفضل شئ ليه .. بمعنى انك لو أترفضت في مكان .. كان مرتبه 4000 جنيه مثلا .. أعرف أنه مش هيفيدك مستقبلا ... لأن ربنا هو اللي بيدبرلنا أمورنا للأفضل ..

ثانيا :: و هو ده الموضوع ... أنا هكتب بعض مواقع الأي كيو ... كلنا يا ريت ندخلها .. و نحل الأمتحانات اللي فيها .. و ده هيساعد المخ على الأستعاب بسرعه .. مع كتر الأسئله و حلها ... بس أهم حاجه التركيز .. بشكل عام ..

مواقع IQ :

http://www.free-iqtest.net/

http://www.mmm.pri.ee/iq/

http://www.funeducation.com/Tests/IQTest/TakeTest.aspx

http://www.123test.com/iq-test/

طبعا فيه مواقع كتيره فيها أمتحانات IQ ببلاش ...

طيب فيه مشكله !!!!!!

الامتحانات ديه بالأنجليزي ...

ما فيش مشكله للي ميعرفش أنجليزي كويس ...

بيدخل على www.google.com و هيلاقي ترجمه يدخل عليها .. هيفتحلوا صفحه الترجمه ...

.................................................. ......

كده خلصنا ال IQ و الأزعاج بتاعه ... المهم ندخل في الأنجليزي ... ما شاء الله المنتدى فيه كل حاجه ممكن تساعدنا ..

هندخل هنا قسم اللغة الإنجليزيــة

هنلاقي كل حاجه محتاجنها في الأنجليزي .. نتعلم من الأعضاء اللي هناك كل حاجه عايزنها .. و اللي هيقرا أكتر أكيد بيكون أفضل من اللي بيقرأ أقل .. و فرصه في الشغل بتكون افضل ...

.................................................. .......


أخر حاجه ... الثقه في المقابله ...

بتسمع الكلمه ديه و أنت رايح اي مقابله من صاحبك أو أخوك أو أي حد ...

بس الثقه ديه مش معقول تجبها و انت مش مجهز للمقابه .. و كمان اللي بيعملك المقابله .. واحد فاهم شغله ...

فلما تكون عارف أنك كويس في الانجليزي و IQ عندك كويس .. لوحدك هتلاقي نفسك جواك ثقه ...

ممكن الثقه ديه تقل .. و و انت بتتكلم تتلجلج في الكلام .. بس اللي بيعمل معاك المقابله هيكون فاهم و عارف أنك كويس ....

.................................................. ......


و أهم حاجه اننا يكون عندنا ثقه في ربنا أن أي شئ يحصلنا ده بيكون أفضل شئ لينا ...

و أسف للأطاله بس .. لأن حرام واحد لسه مشتغلش يدفع 300 جنيه على الفاضي ... و هو مش متأكد انه هيشتغل ...

و ربنا يوفقنا كلنا أن شاء الله